ابيات شعر قصيره
الى احتمى الموقف وصدوا وخلووك ....وضاقت بك الدنيا ولا فيه فزااااع
ابشر بعزك لعنبوا من تحـــــــــدوك .... تامر على روحي وانا اجيك بياع
لا تشكي الدنيا وانا حي يا اخوك .... يفداك راسي وكل كلي لك انصااع
============
لا تحسب ان الود بالقرب مرهون ..... لو غاب صوتي صادق الود ما غاب
============
لامن سمعته يغرد باخر اشعــاره ....ويهمس باذني تهلل كل اساريري
ابيات شعره سحاب تمطر امطاره ....يسعد فؤادي يبعثر لي تعابيري
لاقال احبك غرامي تشتعل نــــاره .... اموت لاجله فدى وأشعر بتقصيري
============
أمر وتلقاني على طول موجود .... أعطيك من نفسي وأقصر عليها
ما اقبل لك النقصان وأبغالك الزود....أشر على عيوني كانك تبيهــــا
هذا ترى ورثي من الجد والعود .....ناس كرام وتكرم اللي يجيها
============
الله عليك إليا تكلمت ما أحلاك .... نبرات صوتك تشعل الشوق فيني
ياما على صوتك تخيلت دنيــاك .... وياما سرى بي هاجسي مع حنيني
معالك قلبي فيك لك من وياك .... وتوصلك روحي قبل روحك تجيني
===========
الشوق طاغي والمشاعر رقيقه .... والحب مره باعني واشتراني
يا فرحة القلب الحزين برفيقــه .... فديت صوتك يوم صوتك دعاني
الورد ما ينسى شذاه ورحيـقه .... قل للغلا وش حجته لا نساني
لازلت احبك والمشاعر رقيقـه .... والحب ليته باعني ما شريته
===========
والله اني كنت الوم اللي يضيق ان غاب خله .... لين جربت المحبه والفراق وقلت توبــه
لعنبوا المفارق فيه هــــــــــم وفيه ذلـــــه .... أثر كل الحب لذه والفراق أكبر عيوبــه
===========
مر الخيال بصورتك وأيقظ الروح .... وإنزاح عن روحي ضبابة سماها
يامن تناجيك المشاعر لك البوح .... عل وعسى في يوم تجلب رضاها
مفتاح قلبي بين أياديك مطــــروح .... وأظن مافيه روح تجهل هواهـــا
===========
يفديك عمري يا بعد عمر مغليك .... وتفداك روحي والعيون وسهرها
ابيع الناس يا زين وأشريــــــك .... والناس لأجلك مستعـــد أخسرها
امر وحنا يا هوى البال نرضيك .... يا بسمة أيام العمر يا قمــــــــرها
أمر تدلل يا نظر عين راجيـــك .... أنا صحاري وأنت وصلك مطرها
===========
نشري رضاك وخاطرك ما نبيعه .... حبك هوى نفسي وشوفك متاعي
وأشواق قلبي تندفع لك سريعـــــه .... وأنا على شانك سريع اندفاعي
أمرك يلبيه الخفوق ويطيعـــــــــه .... لو في حلاة النوم فزيت واعي
حب البشر لو تجمعه لي جميــعه .... حبي لك أكبر والوفاء من طباعي
===========
يا صاحبي دمعي من البعد همال .... شوف الليالي كيف هزت زماني
ما جيت ابي منك ملايين وأموال .... ربي وهبني للنعيم وعطانــــــي
جيتك رفيق سابقه حلم وأمـــــال .... راجي وصالك مابي شيء ثاني
===========
لو يغيب الليل في كف الهجير .... ما تغيب بوسط روحي طلتك
انت وحدك مالك بقلبي نظيــــر .... لو يغيب الكون تبقى دنيتك
مدري كيف العمر من دونك يصير ... كل يوم أسال واكلم صورتك
عاشق تاهت به دروب المصير .... بين قربك وبين نار محبتك
===========
تدري حبيبي ما أقدر أصبر بدونك .... الشوق يجذبني حنينه لدنياك
وياصاحبي هون على القلب هونك .... ابستريح بداخلك واتحراك
===========
لو غبت عني ما تناسيت طرياك .... مهما يكون البعد كنك قبالي
عذبتني والمشكله ما اقدر انساك .... ولا ادري متى بالقرب يرتاح بالي
من بين كل الناس قلبي تمناك .... ما غيرك احدن في حياتي طرالي
==========
منقول
